Yaşlanmanı dayandırmaq mümkün olacaq

Mezoterapiya bütün dünyada dərinin cavanlaşması, yaşlanma əleyhinə, bölgəsəl arıqlama, selülit, çatlaq və yara izləri, çapıqlar, saç müalicəsi, kəskin və xroniki ağrılar, idman zədələri və müxtəlif dəri xəstəliklərinin müalicəsində istifadə olunur. İlk dəfə 1952-ci ildə həkim Mişel Pistor tərəfindən tətbiq ediib.

Bu prosedur dərinin altındakı kollagen və elastin kimi strukturları stimullaşdıraraq təsirini göstərir və bu yolla həmin nahiyədə qan dövranı, limfa dövranı və immum reaksiya tənzimlənir.

Mezoterapiya vitaminlərin, mineralların, amin turşularının, fermentlərin tək və ya ümumiyyətlə qarışıqda dərinin orta təbəqəsinə mikroinyeksiya yolu ilə tətbiq edilməsi texnikasıdır.

İnyeksiya ediləcək maddələr pasiyentin istəyinə uyğun seçilir və mikroinyeksiya üsulu ilə az miqdarda dərman birbaşa problemli nahiyəyə tətbiq edilir. Bununla da, problem sistemli təsir yaratmadan həll edilir və müalicədən maksimum fayda əldə edilir.