İzmirdə səhiyyə işçilərinə qarşı zorakılıq olub.
Tepecik Təhsil və Araşdırma Xəstəxanası Qadın Xəstəlikləri və Doğum Şöbəsinin həkimi Furkan Balcı Suriya vətəndaşının hücumuna məruz qalıb. Onun burnu qırılıb.
Suriyalı arvadını kişi həkimin müayinə etməsinə etiraz edib.
Hücumdan sonra xəstəxananın qulaq-burun-boğaz xidmətinə aparılan Balcının əməliyyat olunduğu və kəllə-beyin travması səbəbindən bir müddət nəzarətdə saxlanılacağı öyrənilib.
Qeyd edək ki, təcavüzkar əvvəlcə mühafizəçilər tərəfindən təhlükəsizlik otağına, daha sonra hadisə yerinə gələn polis qrupları tərəfindən bölməyə aparılıb.