Rayonlarda narkotik bəlaya çevrilib – DEPUTAT

495
jalə

Deputat Jalə Əhmədova rayonlarda narkotik probleminin böyük fəlakət olduğunu bildirib.

Bunu, deputat bunu Milli Məclisin Gənclər və idman komitəsinin iclasında deyib.

“Rayonlarda savadsız və təhsilsiz gənclər kütləsi var. Həmin kütlə də axışıb şəhərə gəlir. Burada fəhlə işində çalışıb aldıqları pul da onları qane etmir. Həmin gənclər sonra yenidən rayona qayıdaraq özlərini tapa bilmirlər. Təhsili olmayan cavanlar üçün rayonlarda məşğulluq proqramı lazımdır. Zavod və ya fabriklərə cəlb olunaraq işlə təmin edilmələri yaxşı olardı”, – o vurğulayıb.

Deputat bildirib ki, rayonlar gözdən kənar olduğundan qəbul edilən qərarların icrası mexanizminə nəzarət zəif qalır:

“Məsələn, Gənclər və İdman Nazirliyi Bakıda yerləşir, nazir tapşırıqlarını verir. Həmin tapşırılan işlərə ciddi nəzarət mexanizmi olmalıdır. Müşahidələrim onu deməyə əsas verir ki, rayonlarda hesabata xatir görülən işlər həddindən artıq çoxdur. İşləri lazımi dərəcədə yerinə yetirmək, can yandırmaq, kadr siyasəti rayonlarda böyük problemdir. Rayonda yaşayan gənclərlə daha sıx iş görülməlidir”.

“Regionlarda narkotik problemi bu gün əsas məsələdir. Bu məsələni sırf Daxili İşlər Nazirliyinin öhdəsinə buraxa bilmərik. Qeyri-hökumət təşkilatları və ictimai birliklər tədbirlər keçirsələr də, ciddi nəticəsini görmürəm. Bu, böyük fəlakətdir. Çünki rayonlarda hər 10 evdən 9-da narkotik problemi var. Bu, genofondun məhvi deməkdir”, – J.Əhmədova əlavə edib.

Söhbətə başla
Bizə yazın
Salam